FORMACIÓN PROFESIONAL

No Diario Oficial de Galicia (4 de maio de 2005) aparece publicada a Orde do 23 de abril de 2005 pola que se convocan axudas económicas para o alumnado que realiza formación práctica en centros de traballo correspondentes aos estudos de ciclos formativos de grao medio e superior de formación profesional específica, módulos profesionais experimentais, artes plásticas e deseño e programas de garantía social cofinanciadas polo Fondo Social Europeo.
O prazo de presentación é de corenta días naturais.
Máis información no documento que se achega.
Información facilitada por Ana Belén Muñoz Martín

As alumnas do Programa de Garantía Social de Moda viaxaron a Ourense -o día cinco de maio- para visitar a Exposición de Proxectos Finais dos alumnos/as da Promoción 2004 (do Instituto Superior de Tecnoloxía e Deseño Textil)no Centro Cultural da Deputación de Ourense. Aproveitaron a viaxe para parar en Allariz, donde visitaron a empresa textil ROFER.
As alumnas foron acompañadas pola profesora Cruz Iglesias Viqueira.
Información facilitada por Ana Belén Muñoz Martín

As alumnas do Ciclo Medio de Coidados Auxiliares de Enfermería, acompañadas pola profesora Mercedes Fernández Barreiro e o profesor Alfredo Regueiro Fernández, visitaron -o día seis de maio de 2005- distintas institucións sanitarias de Verín e viaxaron ó concello de Riós para coñecer a Residencia da terceira idade "Monte Barrio".
Información facilitada por Ana Belén Muñoz Martín

Para realizar estudos de Formación Profesional Específica de grao Medio e de grao Superior hai que dispor da titulación requerida en cada caso, ou ben, realizar probas de acceso.
A Orde que regula as probas de acceso aos ciclos de grao medio e superior podemos consultala aquí.
No caso das probas de acceso aos Ciclos de grao Medio, temos que visitar o apartado específico da web. Complementariamente, podemos consultar o Manual das probas de acceso ao ciclo Medio ou ler distintos tipos de exames.
Para rematar, sinalar que existen materiais didácticos para a preparación das probas de acceso a Ciclos de Grao Medio.

Para realizar estudos de Formación Profesional Específica de grao Medio e de grao Superior hai que dispor da titulación requerida en cada caso, ou ben, realizar probas de acceso.
A Orde que regula as probas de acceso aos ciclos de grao medio e superior podemos consultala aquí.
No caso das probas de acceso aos Ciclos de grao Superior, temos que visitar o apartado específico da web. Complementariamente, podemos consultar o Manual das probas de acceso ao Ciclo Superior ou ler distintos tipos de exames.
Para rematar, sinalar que existe a posibilidade de validación de determinados módulos formativos realizados no Ciclo Superior por certas áreas dos estudos universitarios que se recollen neste documento.

A Consellería de Educación e Ordenación Universitaria vai ofertar sete novos ciclos de Formación Profesional Específica para o vindeiro curso académico 2005/2006.
Os novos Ciclos Formativos de Grao Superior son: Radioterapia, que se implanta por primeira vez en Galicia no IES Ánxel Casal de Monte Alto (A Coruña); Son, no IES de Bouzas (Pontevedra) e o de Restauración no IES Manuel Antonio de Vigo.
Os novos Ciclos Formativos de Grao Medio son: Preimpresión de artes gráficas no IES Compostela de Santiago, Atención sociosanitaria no IES Portovello de Ourense, Xardinería no CFEA de Monforte de Lemos e o ciclo de Explotación de sistemas informáticos no IES de Teis (Vigo). Máis información no xornal El Correo Gallego.

Un dos módulos formativos do Ciclo Medio de Electromecánica de Vehículos é o de "Sistemas de transmisión e freada" con 165 horas de formación.
Para favorecer a aprendizaxe do módulo, podemos recomendar os seguíntes recursos:
1.- Funcionamento do embrague de resortes.
2.-Funcionamento do embrague de diafragma.
3.-Embrague de fricción tipo diagrama.
4.-Funcionamento da caixa de cambios.
5.-Funcionamento dun engranaxe planetario.
6.-Funcionamento do freo de disco.
7.-Funcionamento do freo de tambor.

Información facilitada por José Luis Fernández Sampedro

A preparación de oposicións é unha alternativa para buscar un traballo, moi frecuente na provincia de Ourense. Por elo, coa colaboración de Academia Postal de Ourense, temos a ben facilitar información actualizada das distintas convocatorias.
A información completa podemos consultala no documento que se achega.

A revista CONSUMER publica un estudo sobre sete contas de correo electrónico sen coste.
Na primeira parte do informe, presenta un resume dos resultados.
A segunda parte, da conta das variables analizadas na investigación.
En terceiro lugar, informa sobre o correo web ideal.
En cuarto e último lugar, fanse unha serie de recomendacións ou consellos de uso do correo electrónico.